Александр Бублик Australian Open-де оңбай ұтылды (ВИДЕО)

Қазақстанның бірінші ракеткасы Александр Бублик Australian Open-2026 турнирінің 1/8 финалынан ары аса алмады. Ол австралиялық теннисші Алекс Де Минаурға ірі есеппен жол берді.

ATP рейтингінде 10-орында тұрған Бублик әлемнің 6-ракеткасы Алекс Де Минаурмен кездесіп, үш сетке созылған матчта 4:6, 1:6, 1:6 есебімен жеңілді. Кездесу бар болғаны 1 сағат 33 минутқа созылды. 

Жекпе-жектен кейін Александр Бублик әлеуметтік желіде қысқа пікір қалдырды.

"Бүгін қатты шаршадым", — деп жазды ол өзінің Telegram-арнасында.

Турнирдегі жолы

Айта кетейік, Александр Бублик бұл матчқа дейін бірқатар мықты қарсыластарын жеңіп, сенімді өнер көрсеткен болатын. Ол:

• америкалық Дженсон Бруксбиді — 6:4, 6:4, 6:4,
• венгриялық Мартон Фучовичті — 7:5, 6:4, 7:5,
• аргентиналық Томас Мартин Этчеверриді — 7:6, 7:6, 6:4 есебімен ұтты.

Осылайша, Бублик Australian Open турнирінде алғаш рет жекелей сында 1/8 финалға дейін жетіп, мансабындағы ең үздік нәтижесін тіркеді.

Оқи отырыңыздар: 

"Реал" мен "Баварияның" экс-жұлдыздары "Ақтөбеге" келуі мүмкін

"Қайрат" "Арсеналмен" ойнау үшін Лондонға аттанды

37 жастағы Джастин Гейджи UFC уақытша чемпионы атанды