Қазақстандық теннисші Мексикадағы турнирдің жартылай финалына шықты
Дмитрий Попко Морелос қаласындағы ATP Challenger турнирінің жартылай финалына өтті.
Попко турнирдің үшінші нөмірлі теннисшісі аргентиналық Хуан Пабло Фиковичті еш мүмкіндік қалдырмай 6:1, 6:1 есебімен жарыс жолынан шығарды.
Енді қазақстандық жартылай финалда канадалық Алексис Галарноға қарсы кортқа шығады.
Еске сала кетсек, турнирдің алғашқы айналымында Попко бразилиялық Родригес Мелигениді 6:3, 7:6 есебімен тізе бүктірді.
Одан кейін Германия өкілі Макс Вискандтан тартысты матчта 7:5, 6:7, 7:6 есебімен басым түсті.
Жарнама
Жарнама