2022 жылғы Уимблдон чемпионы, әлемнің 10-ракеткасы — Елена Рыбакина алдағы Билли Джин Кинг кубогына дайындық аясында жаттығу кезіндегі фотосуретімен бөлісті. Бұл жарыс 2025 жылдың сәуірінде Австралияның Брисбен қаласында өтеді.
Жарияланған кадрда Рыбакинамен бірге оның команда мүшелері де бейнеленген. Әлеуметтік желі қолданушылары суреттегі кейбір белгілерді Новак Джокович пен Арина Соболенкоға қарсы астарлы ишара деп болжауда. Дегенмен бұл тек жанкүйерлер арасындағы болжам күйінде қалуда.
Суретте сондай-ақ хорват маманы Стефано Вуков та көзге түседі. Ол бұған дейін Рыбакинаның тұрақты жаттықтырушысы болғанымен, 2024 жылы серіктестіктерін үзген болатын. Бірақ 2025 жылдың қаңтарында Вуков командаға қайта оралды.
Айта кетейік, Стефано Вуков кейінірек WTA тарапынан этика кодексін бұзғаны үшін уақытша шеттетілген. Бұған дейін Рыбакина маусымның соңында Горан Иванишевичпен жұмыс істеген. Бірақ қаңтардың соңында бұл әріптестік тоқтатылды. Қазір теннисші Сангинеттимен дайындық жүргізуде.
