Қазақстандық теннисші Мексикадағы турнирдің жартылай финалына шықты

Попко турнирдің үшінші нөмірлі теннисшісі аргентиналық Хуан Пабло Фиковичті еш мүмкіндік қалдырмай 6:1, 6:1 есебімен жарыс жолынан шығарды.

Енді қазақстандық жартылай финалда канадалық Алексис Галарноға қарсы кортқа шығады. 

Еске сала кетсек, турнирдің алғашқы айналымында Попко бразилиялық Родригес Мелигениді 6:3, 7:6 есебімен тізе бүктірді.

Одан кейін Германия өкілі Макс Вискандтан тартысты матчта 7:5, 6:7, 7:6 есебімен басым түсті.