«Қазақ патшасы» WBC рейтингінде жоғарылады
Оған 5 сәуір күні Астанада өткен жекпе-жекте Оңтүстік Африка боксшысы Азинга Фузилені жеңуі себеп болды.
Қазақстандық кәсіпқой боксшы Сұлтан Зауырбек (20-0, 13 KO) WBC екінші жартылай жеңіл салмақ дәрежесі бойынша әлемдік рейтингте айтарлықтай жоғарылады.
Жаңартылған рейтингте «Қазақ патшасы» бірден 12 сатыға көтеріліп, 28-орыннан 16-орынға жайғасты. Бұл серпіліс — 5 сәуір күні Астанада өткен жекпе-жекте Оңтүстік Африка боксшысы Азинга Фузилені (18-3, 12 KO) төрешілердің шешімімен жеңіп, IBF Inter-Continental белбеуін иеленуінің нәтижесі.
Зауырбектің дивизионында кім көш бастап тұр?
Екінші жартылай жеңіл салмақта WBC чемпионы — америкалық О'Шаки Фостер. Ал үздік үш үміткердің қатарында:
- Эдуардо Эрнандес (Мексика)
- Марк Магсайо (Филиппин)
- Мұхаммадхұжа Якубов (Тәжікстан) бар.
Не күтеміз?
WBC рейтингіндегі 16-орын — Сұлтан Зауырбектің әлемдік титулдық жекпе-жекке бір қадам жақындағанын білдіреді. Егер ол осындай жеңісті сериясын жалғастырса, алдағы уақытта әлем чемпионы атағына үміткер ретінде рингке шығуы әбден мүмкін.
Айта кетейік, Сұлтан Зауырбек кәсіпқой бокста 20 жекпе-жек өткізіп, оның 13-ін нокаутпен аяқтады.