Шавкат Рахмоновқа Қазақстанда жекпе-жек өткізу ұсынылды: сыйақы сомасы белгілі болды
27.04.2025, 22:24
Қазақстандық UFC жекпе-жекшісі Шавкат Рахмоновқа ел ішінде жекпе-жекке шығу ұсынысы түсті.
liter.kz
Instagram қолданушыларының бірі Шавкат Рахмоновпен бірге түскен суретін жариялап, ерекше ұсыныс жасады. Фото аясында мешіт көрінісі бейнеленген.
"Осы жігіттермен рингке шығуға 70 мың теңгеге дайынсың ба?" – деп жазды автор. Кейін бұл сторис Рахмоновтың ресми Instagram парақшасында да жарияланды.
Еске сала кетейік, Шавкат Рахмонов былтыр 8 желтоқсанда UFC аясында өткен соңғы жекпе-жегінде ирландиялық Иэн Гэрриді төрешілер шешімімен жеңіп шыққан болатын.
UFC президенті Дана Уайттың айтуынша, қазақстандық спортшының келесі жекпе-жегі титул үшін өтуі әбден мүмкін. Қазір Шавкат Рахмонов жартылай орта салмақ санатында рейтингтің екінші орнында тұр.