Қазақстандық жас жұлдыз украиндықты талқандап, Азия финалына шықты
Иордания астанасы Амманда 15 және 17 жасқа дейінгілер арасында World Boxing ұйымының қамқорлығымен Азия чемпионаты жалғасып жатыр.
75 келіге дейінгі салмақ дәрежесінің жартылай финалында Санжар Матасов пен украиналық Кирилл Бондаренко күш сынасты.
Матасов айқын басымдықпен өнер көрсетіп, қарсыласын 5:0 есебімен төрешілердің бір ауызды шешімі бойынша жеңді.
Осылайша Санжар Матасов Азия чемпионатының финалына жолдама алды. Ол шешуші кезеңде Өзбекстан өкілі Хуршидбек Джураевпен кездеседі. Ал украиналық Кирилл Бондаренко турнирдің қола жүлдегері атанды.
Айта кетейік, бұл чемпионат тарихи мәнге ие. Себебі алғаш рет World Boxing ұйымының бастамасымен ұйымдастырылуда. Бұған дейін Азия чемпионаттарын қазіргі уақытта беделі түсіп кеткен IBA ұйымы өткізетін.