Қазбек Сағын vs Бағдат Жұбаныш трилогиясына жол ашық
13.05.2025, 17:55
Naiza лигасының президенті Нұрбек Қарабала алдағы өтетін Naiza 73 турнирі аясында Қазбек Сағын мен Бағдат Жұбаныш арасындағы жекпе-жекке қатысты пікір білдірді.
instagram/@nurbekkarabala
Қарағандыдағы басты жекпе-жек: реванш тағдыры не болады?
Бұл туралы ол әлеуметтік желідегі парақшасында жазды.
"Қарағандыдағы Naiza 73 турниріне небәрі 16 күн қалды. Кештің басты айқасы — Қазбек пен Бағдат. Алдыңғы шайқаста жеңісті Сағын иеленді. Егер ол қайтадан жеңіске жетсе, бұл тартысқа нүкте қойылады. Ал Жұбаныш жеңсе, онда үшінші шешуші кездесу өткізілуі мүмкін", — деді Қарабала.
Еске сала кетейік, Қазбек Сағын мен Бағдат Жұбаныштың алғашқы жекпе-жегі төрешілердің бөлінген шешімімен Сағынның пайдасына аяқталды. Енді олардың реваншы Қарағандыдағы Naiza турнирінде өтеді.