"Жұлдыздар өсіп келеді!" — Елеусінов ұлттық құрамадағы ең талантты боксшыларды атады
Рио Олимпиадасының чемпионы, кәсіби бокста жеңіліссіз өнер көрсетіп жүрген Данияр Елеусінов ұлттық құрамадағы талантты жас спортшылар туралы айтты.
“Болашағынан көп үміт күтетін жігіттер бар”
“Жас боксшылардан кімнен жоғары нәтиже күтесіз? Қайсысының стилі ұнайды?” — деген сұраққа Данияр былай деп жауап берді:
“Бізде дарынды жастар өте көп. Мен ең алдымен Санжар Тәшкенбай, ағайынды Сабырхановтар, Оралбай мен жерлесім Даниял Сәбитке үлкен үміт артамын. Біреуді ерекшелеп айтқым келмейді. Сонымен қатар Сабыржан Ақхалықов пен Абылайхан Жүсіповке де сеніміміз зор”.
Ел тарихында соңғы “алтын” иегері
Айта кетейік, Данияр Елеусінов — Қазақстан боксы тарихындағы соңғы Олимпиада чемпионы. Ол 2016 жылы Рио-де-Жанейрода өткен Жазғы Олимпиадада алтын жүлде жеңіп алған.
Қазір Елеусіновтің кәсіби рингтегі көрсеткіші: 12 жеңіс, оның 7-і — нокаутпен.