Қазақстандық дзюдошы әлем чемпионатында жүлдеге қол созды

Сұлтан Данияр

Сарапшы, спорт журналисі

27.08.2025, 20:45

Болгария астанасында өтіп жатқан жасөспірімдер арасындағы дзюдодан әлем чемпионатында Қазақстан құрамасының қоржыны жүлдемен толықты.

ijf.org

Қола медаль үшін шешуші белдесу

50 келіге дейінгі салмақта ел намысын қорғаған Арман Мұса жүлделі орын үшін венгриялық Милан Сабомен татамиде күш сынасты.

Белдесу ұзаққа созылған жоқ. Қазақстандық дзюдошы қарсыласын мерзімінен бұрын жеңіп, қола медальды қанжығасына байлады.

Осылайша Арман Мұса дзюдодан жасөспірімдер арасындағы әлем чемпионатында үшінші орынға ие болып, Қазақстан спорт тарихына тағы бір жетістік қосты.