UFC жұлдызы Умар Нурмагомедов батыл пікір білдірген еді.
АСА лигасының жұлдызы, қазақстандық файтер Артем Резников UFC жұлдызы Умар Нурмагомедовтың батыл пікіріне толық қосылатынын мәлімдеді.
Бұған дейін Нурмагомедов қазіргі UFC чемпионы Петр Ян экс-чемпион Мераб Двалишвилиді он кездесудің он бірінде де жеңе алатынын айтқан болатын.
Артем Резниковтың айтуынша, Ян мен Двалишвили арасындағы алғашқы жекпе-жекте ресейлік файтердің жарақаты шешуші рөл атқарған:
«Умармен толық келісемін. Алғашқы жекпе-жекте Петрдің оң қолы жарақаттанған еді, ол толық соққы жасай алмады. Кейін бәрі “ақталу” деп айтты. Бірақ мен әрдайым айтамын: егер ауыр жарақат болса, жекпе-жектен бас тарту керек. Әйтпесе жеңілесің де, ешкім сені түсінбейді», — деді Резников.
Оның сөзінше, дәл осы фактор Янның алғашқы жекпе-жекте жеңілуіне әсер еткен:
«Егер Петр сол кезде айқастан бас тартқанда, ол жеңілмес еді. Қазіргі реванш бәрін көрсетті — Ян Двалишвилиден әлдеқайда мықты. Ол бес раундтың төртеуін өз пайдасына шешті».
Еске сала кетейік, Петр Ян мен Мераб Двалишвили арасындағы алғашқы жекпе-жек 2023 жылдың наурызында өтіп, грузин файтері төрешілердің бірауыздан қабылдаған шешімімен жеңіске жеткен еді.
Ал 7 желтоқсанда өткен реваншта Ян қарсыласын жеңіп, UFC-дің ең жеңіл салмақтағы чемпиондық белбеуін қайта өзіне қайтарды.
Оқи отырыңыздар:
FIFA Series 2026: Қазақстан құрамасының қарсыластары белгілі болды
"Данияр Елеусіновты десертке қалдыруға болады" — "Мотиватор" ерекше жоспар ұсынды
Еурокубоктарда көмектесе алмай ма? Дастан Сәтпаевтың оралатын мерзімі нақтыланды