Шавкат Рахмоновтың UFC октагонына қашан оралатыны айтылды

DAR Team командасының бас бапкері Эдуард Базров Sports.kz сайтына берген сұхбатында UFC-дің жартылай орта салмағындағы қазақстандық файтер Шавкат Рахмоновтың (19-0) жарақаты мен қалпына келу мерзімі туралы айтты.

"Шавкаттың жарақаты бұрынғыдай, сол аяқ. Толық қалпына келуіне шамамен 6–7 ай қажет", – деді маман.

Айта кетейік, Рахмоновтың әзірге соңғы жекпе-жегі 2024 жылдың желтоқсан айында Лас-Вегаста (АҚШ) өткен UFC 310 турнирінде болды. Ол кездесуде "Номад" ирландиялық Иэн Гэрримен жұдырықтасып, төрешілердің бірауыздан шығарған шешімімен жеңіске жеткен еді.

Сондай-ақ Алматыда өткен Naiza 80 турнирінде Шавкат Рахмоновтың балдақпен жүргені байқалған болатын.

Оқи отырыңыз:

• "Ол үшін бәрі аяқталды": Шон Брэди Шавкат Рахмонов жайлы;
• Қазақ қызы қатысқан титулдық жекпе-жек нокаутпен аяқталды (ВИДЕО);
• Олимпиада-2026: қазақстандық спортшылардың жарыс күнін қайдан көруге болады?