Кәсіпқой бокста бес салмақта әлем чемпионы атанған Флойд Мэйвезер рингке қайта шығуға шешім қабылдады.
Мэйвезер – Тайсон кездесуі 25 сәуірге жоспарланып отыр. Өтетін орны ретінде Конго Демократиялық Республикасы аталады.
Мэйвезер алдағы кештерінің коммерциялық және медиа көрсеткіші жоғары болатынына сенімді екенін ашық айтты: көрермен саны, жаһандық аудитория, табыс тұрғысынан өз оқиғаларының ерекшеленетінін жеткізді.
БАҚ-тағы мәлімет бойынша Тайсонмен жекпе-жектен кейін Флойд жаз айларында кәсіпқой рингке қайта шығып, тағы бір кездесу өткізуді жоспарлаған. Әзірге ықтимал қарсыластың есімі нақтыланбады.
Флойд Мэйвезер кәсіпқой бокста ең соңғы жекпе-жегін 2017 жылы өткізіп, UFC жұлдызы Конор Макгрегорды нокаутпен жеңген. Сол кездесуден кейін оның рекорды 50-0 болып қалды
59 жастағы Майк Тайсон да соңғы жылдары қайта рингке шығып жүр. Ол 2024 жылы 15 қарашада Джейк Полмен жұдырықтасып, төрешілердің шешімімен жеңілді.