Қазақстандық дзюдошы, Париж Олимпиадасының чемпионы Елдос Сметовтың денсаулығына қатысты нақты ақпарат шықты.
Қазақстандық дзюдошы Ғұсман Қырғызбаев ел спортындағы басты жұлдыздардың бірі Елдос Сметовтің қазіргі жағдайы туралы айтып берді.
Оның сөзінше, Олимпиада чемпионы жақында Тараз қаласында шағын операциядан өткен. Қырғызбаев бұл жайтты алғашында әлеуметтік желі арқылы білгенін, кейін спортшымен тікелей хабарласып, жағдайын анықтағанын жеткізді.
"Сметовтың жағдайын әлеуметтік желіден көрдім. Жақында ол Таразда шағын операция жасатты. Кеше ғана өзімен хабарласып, жағдайын сұрадым. Елеулі жарақат жоқ. Денесінде бір жара пайда болып, оны кесіп алып тастаған. Қазір Елдостың жағдайы жақсы", — деді Ғұсман Қырғызбаев.
Айта кетейік, Қазақстандағы ең атақты дзюдошылардың бірі Елдос Сметовке операция жасалғаны туралы ақпарат 12 наурыз күні белгілі болған еді.
Елдос Сметов — Қазақстан дзюдосы тарихындағы ең табысты спортшылардың бірі. Ол: