Қазақ файтері гонгқа бір секунд қалғанда өзбекстандықты нокаутқа түсірді (ВИДЕО)
Ташкенттегі Octagon 85 ММА турнирінде Арнұр Қабдолдаев әсерлі жеңіске жетті.
Соңғы сәтте аяқталған айқас
Арнұр Қабдолдаев (5-1-1) турнирдің алдын ала кардында өнер көрсетті. Жеңіл салмақтағы қарсыласы өзбекстандық Мансур Атаджонов (3-4) болды.
Үш раундқа жоспарланған жекпе-жек бірінші раундта-ақ аяқталды. Қазақстандық файтер қарсыласын гонг соғыларға бір секунд қалғанда техникалық нокаутпен жеңді.
Төреші айқасты тоқтатты
Жекпе-жектің 4:59 минутында, яғни раундтың аяқталуына санаулы сәт қалғанда Қабдолдаев қарсыласының басына бірнеше дәл соққы жасады. Нәтижесінде төреші кездесуді тоқтатуға шешім қабылдады.
Бұл — кештің ең драмалық әрі есте қаларлық сәттерінің бірі болды.
Осы жеңістен кейін Арнуөр Қабдолдаев рекордын 6-1-1 деңгейіне жеткізді. Мансур Атаджонов кәсіби мансабындағы бесінші жеңілісіне ұшырады.