Қазақстанның сегіз боксшысы Әлем кубогының жартылай финалына шықты
Бүгін, 20:30
Қытайдың Гуйянь қаласындағы World Boxing Әлем кубогының екінші кезеңінде Қазақстан құрамасының сегіз өкілі жартылай финалға жолдама алды.
instagram/@boxingkazakhstan
Ерлер арасында үш боксшы жүлдеге таласады
Ерлер бәсекесінде Қазақстан намысын жартылай финалда үш былғары қолғап шебері қорғайды. Олар финал жолдамасы үшін шаршы алаңға шығады.
- Санжар Тәшкенбай 50 келіге дейінгі салмақта өнер көрсетеді.
- Абылайхан Жүсіпов 70 келіге дейінгі салмақта сынға түседі.
- Айбек Оралбай 90 келіден жоғары салмақта финалға шығуға тырысады.
Бұл боксшылардың әрқайсысы жарыстың шешуші кезеңіне бір қадам жақындап, Қазақстан қоржынына медаль салуға мүмкіндік алды.
Әйелдер құрамасынан бес боксшы жартылай финалда
Әйелдер турнирінде Қазақстан құрамасының бес өкілі жартылай финалға шықты. Олардың қатарында тәжірибелі және халықаралық жарыстарда өзін көрсетіп жүрген боксшылар бар.
- 54 келіге дейінгі салмақта Назым Қызайбай,
- 60 келіге дейінгі салмақта Виктория Графеева,
- 65 келіге дейінгі салмақта Аида Әбікеева,
- 80 келіге дейінгі салмақта Валерия Аксенова,
- 80 келіден жоғары салмақта Дина Исламбекова бақ сынайды.
Осылайша Қазақстан құрамасынан жалпы сегіз боксшы Әлем кубогының жартылай финалында өнер көрсетеді. Жекпе-жектер 20 маусымда өтеді.
Arena Olimpbet-те спорттың ең жаңа және қызықты жаңалықтарын оқыңыз! Толығырақ мәліметтер, талдау және қажеттінің барлығы — сілтеме бойынша: arena.olimpbet
Реклама
Реклама