Нурмагомедов Арчи Колганды бірінші раундта нокаутқа түсірді (ВИДЕО)
Ресейлік аралас жекпе-жек шебері Усман Нурмагомедов Нью-Йорктегі PFL турнирінде жеңіл салмақтағы чемпиондық атағын тағы бір мәрте қорғады.
Чемпиондық жекпе-жектегі жеңіс
PFL турнирінде жеңіл салмақтағы чемпиондық белбеу үшін Усман Нурмагомедов пен Арчи Колган кездескен.
Жекпе-жек ұзаққа созылған жоқ. Ресейлік файтер қарсыласын бірінші раундта техникалық нокаутпен жеңіп, чемпиондық атағын сақтап қалды.
Бұл жеңістің арқасында Усман Нурмагомедов PFL ұйымының жеңіл салмақтағы чемпиондық белбеуін қатарынан екінші рет сәтті қорғады.
Осылайша ресейлік файтер кәсіпқой мансабындағы жеңіліссіз сериясын жалғастырды.
Усман Нурмагомедовтың рекорды
Нурмагомедов аралас жекпе-жектегі 22-жеңісіне жетті. Оның 16-сын мерзімінен бұрын аяқтаған. Еншісінде бірде-бір жеңіліс жоқ, ал тағы бір кездесуі өтпеген деп танылған.
Арчи Колган үшін бұл кәсіби мансабындағы алғашқы жеңіліс болды. Америкалық файтер бұған дейін 15 жекпе-жекте жеңіске жетіп, оның 14-ін мерзімінен бұрын аяқтаған.