Баходир Джалолов Азия ойындары үшін әуесқой боксқа қайта оралады
Өзбекстандық суперауыр салмақ өкілі биыл Нагояда өтетін Азия ойындарына қатысу үшін әуесқой боксқа қайта оралуы ықтимал.
Жалолов Өзбекстан құрамасымен жаттығып жүр
Журналист Жалол Ахмедов әлеуметтік желіде бокстан Өзбекстан құрамасының Азия ойындары-2026 алдындағы дайындығынан видео жариялаған. Жаттығу жиынына Баходир Джалоловпен қатар кәсіпқой рингте өнер көрсетіп жүрген тағы бір танымал боксшы Бектемир Меликузиев те қатысып жатыр.
Ахмедовтың мәліметінше, қос боксшының Нагоядағы құрлықтық додада ел намысын қорғауы жоспарланып отыр.
"Баходир Джалолов пен Бектемир Меликузиев Азия ойындарына қатысады деп күтілуде", — деп жазды журналист.
Париж Олимпиадасынан кейінгі шешім
Айта кетейік, Баходир Джалолов 2024 жылы Париж Олимпиадасында екінші рет чемпион атанғаннан кейін әуесқой бокстағы мансабын аяқтайтынын мәлімдеген. "Үлкен өзбек" лақап атымен танылған боксшы бұдан кейін негізгі назарын кәсіпқой боксқа аударды.
Олимпиададан кейін Джалолов кәсіпқой рингте үш кездесу өткізді. Оның екеуінде төрешілердің бірауыздан шығарған шешімімен жеңіске жетсе, тағы бір қарсыласын нокаутпен тоқтатты.
Ал Бектемир Меликузиев кәсіпқой бокстағы соңғы жекпе-жегін биылғы ақпан айында өткізген. Егер Джалолов пен Меликузиевтің Азия ойындарына қатысатыны ресми түрде расталса, Өзбекстан құрамасының құрамы айтарлықтай күшеймек.