Түркіменстандық боксшы Абылайхан Жүсіповтен таяқ жеді
04.12.2024, 14:34
Отандасымыз Азия чемпионатындағы кездесуін Азиада ойындарының қола жүлдегері Байрамдұрда Нұрмұхаммедовпен бастады.
olympic.kz
Абылайхан Жүсіпов үш раундтың қорытындысы бойынша жеңіске жетті. Төрешілер оған бірауыздан басымдық берді (5:0). Тіпті Нұрмұхаммедов нокдаунға түскен.
Айта кетейік, Жүсіпов әлем чемпионаттарының үш дүркін қола жүлдегері. 2017 жылғы Азия чемпионатында күмісті медаль алған. 2020 - 2023 жылдары кәсіпқой бокста (рекорд - 4-0, 3 КО) өнер көрсетті. Содан кейін әуесқой боксқа оралу туралы шешім қабылдады.