Қазақстан құрамасының боксшысы Дулат Бекбауов (67 келіге дейін) Таиландтың Чиангмай қаласында өтіп жатқан Азия чемпионатының жартылай финалына шықты.
1/4 финалда қазақстандық былғары қолғап шебері малайзиялық Ариф Мұхаммадты айқын басымдықпен жеңді.
Бекбауов толық үстемдік танытып, қарсыласын бірнеше рет нокдаунға жіберді. Төреші үшінші раундта кездесуді тоқтатуға мәжбүр болды.
Жартылай финалға өткен Дулат кем дегенде Азия чемпионатының қола медаліне қол созады.
