Бұл туралы Иэн Мачадо Гэрри мәлімдеді.
Жеңіл салмақ дәрежесінде UFC-дің бұрынғы чемпионы Чарльз Оливейра ирландиялық Иэн Мачадо Гэрридің Шавкат Рахмоновқа қарсы жекпе-жегінде көмекші қызметін атқарады.
Ирландиялық файтер Youtube-та жанкүйерлердің сұрақтарына жауап беру кезінде осылай деді.
"Менің UFC-дегі жақсы көретін файтерім кім дейсіздер ме? Чарльз Оливейра. Жекпе-жектерінің бәрі қызық. Үнемі шоу көрсетеді. Ол менің жекпе-жегімде маған көмектеседі", - деді Гэрри.
Айта кетейік, Шавкат пен Иэн арасындағы айқас 8 желтоқсанда Лас-Вегаста өтеді. Жекпе-жек жеңімпазы кейін Белал Мұхаммадпен жұдырықтасады.
