Бес медаль, бір алтын! Қазақстан Азия чемпионатында нешінші орында?
31.03.2025, 13:43
Жуырда Иордания астанасы Амманда күрестен Азия біріншілігі аяқталған болатын.
qazsporttv.kz
Иордания астанасы Амман қаласында өткен күрес түрлерінен Азия чемпионаты өз мәресіне жетті. Соңғы жарыс күнінде Қазақстан құрамасы сәтті өнер көрсетіп, жалпыкомандалық есепте үшінші орынға тұрақтады.
Соңғы күнгі жүлделер
Еркін күрес балуандары жарыстың соңғы күнінде 3 жүлде жеңіп алды:
- Нұрқожа Қайпанов – алтын (74 кг)
- Болат Сақаев – күміс (86 кг)
- Азамат Дәулетбеков – қола (92 кг)
Бұған дейін ұлттық құрама сапында күміс медальмен Ризабек Айтмұхан, қола жүлдемен Рахат Қалжан көзге түскен болатын.
Жалпы нәтиже
Мадияр Құрамысов баптайтын Қазақстан еркін күрес құрамасы Азия чемпионатын 1 алтын, 2 күміс, 2 қола медальмен аяқтап, жалпы есепте үздік үштіктің қатарынан көрінді.