Сұлтан Зауырбек жиырмасыншы жеңісіне қол жеткізді (ВИДЕО)
Отандасымыз оңтүстікафрикалық боксшы Азинга Фузилемен (18-3, 12 КО) айқасқан болатын.
Астанада өтіп жатқан Battle of the Brave кәсіби бокс кешінде қазақстандық боксшы Сұлтан Заурбек (20-0, 13 КО) кезекті жекпе-жегін өткізді. Ол оңтүстікафрикалық боксшы Азинга Фузилемен (18-3, 12 КО) айқасып, төрешілер шешімімен жеңімпаз атанды.
Айқын жеңіс
Жекпе-жек он раундқа жоспарланған болатын. Қос боксшы да бір-біріне лайық қарсылас екенін дәлелдеді. Алайда Зауырбек техника, жылдамдық пен рингтегі тәжірибенің арқасында басым түсті.
WBO рейтингінде жоғарылау мүмкіндігі
Бұл жеңіс Сұлтан Зауырбектің кәсіби мансабындағы 20-шы жеңісі болды. Жекпе-жектің алдында Зауырбек WBO ұйымының ТОП-15 рейтингінде тұрған еді. Бұл нәтиже оған әлемдік рейтингте жоғарылауға және болашақта чемпиондық белбеуге үміткер болуға үлкен мүмкіндік береді.
Айта кетейік, осы кештің басты оқиғасы — WBO және IBF тұжырымдары бойынша орта салмақтағы әлем чемпионы Жәнібек Әлімханұлы мен француз Анауэль Нгамиссенге арасындағы титулдық жекпе-жек.