Amre Ресей сахнасында жарқ ете ме? Министрлік күтпеген шешім қабылдады

Бұл туралы ҚР Мәдениет және ақпарат министрлігі ресми түрде хабарлады:

«Интервидение» байқауында Қазақстан атынан Ернар Сәдірбаев қатысады. Ол – Т. Жүргенов атындағы Қазақ ұлттық өнер академиясының түлегі, — делінген министрлік таратқан мәліметте.

Ернар Сәдірбаев кім?

Amre есімімен танылған Ернар Сәдірбаев — поп, поп-классика, латино және R&B жанрларында өнер көрсететін талантты орындаушы. Ол бірнеше халықаралық фестивальдер мен байқаулардың жүлдегері.

• 2018 жылы «Славян базары» халықаралық байқауында бірінші орынды иеленген.
• 2021 жылы отандық «Маска» шоуына қатысты.
• Сондай-ақ, ресейлік «Голос» жобасына қатысып, Дима Биланның командасында өнер көрсетті.

«Интервидение» деген не?

2023 жылдың қарашасында Ресей «Евровидение» үлгісіндегі музыкалық байқау ұйымдастыратынын жариялады. Бұл жоба «Интервидение» атауын алды. Ұйымдастырушылардың мәлімдеуінше, байқау саяси шектеулерден ада және тек өнер мен музыканы насихаттауға бағытталған.

Amre туралы соңғы жаңалықтар

Биылғы жылы Ернар Сәдірбаев жеке өмірі мен шығармашылығына қатысты бірнеше мәлімдеме жасаған:

• Сәуір айында берген сұхбатында ол жеке концертіне 11 миллион теңге шығындалып, табыс таппағанын мойындаған.
• Наурыз айында ол алғаш рет үйлену туралы ойлағанын жұртқа ашық айтқан болатын.

Аmre-нің «Интервидение – 2025» байқауына қатысуы – қазақстандық өнердің халықаралық аренадағы тағы бір жарқын көрінісі. Ернар Сәдірбаевтың шығармашылық жолы мен кәсіби жетістіктері оған үлкен сахнада ел атынан лайықты өнер көрсетуге мүмкіндік береді.