"Қазгидромет" РМК 17 қазанға арналған ауа райы болжамын ұсынды. Синоптиктер бірқатар өңірде қолайсыз ауа райы болатынын хабарлап, ескерту жариялады.
Ақмола облысы:
Оңтүстік-шығыстан жел соғады. Солтүстік-батыс және шығыс аудандарда жел екпіні 15–20 м/с-қа дейін жетеді. Оңтүстік-батыс бөлігінде жоғары өрт қаупі сақталады.
Жамбыл облысы:
Солтүстік-шығыстан соққан желдің жылдамдығы облыстың оңтүстік-батысы, солтүстік-шығысы және таулы аймақтарында 15–20 м/с-қа дейін күшейеді. Батыс пен солтүстікте төтенше өрт қаупі, орталықта жоғары өрт қаупі байқалады.
Қостанай облысы:
Оңтүстік-шығыстан жел соғады, күндіз батыс және солтүстік өңірлерде жел екпіні 15–20 м/с-қа дейін жетеді. Оңтүстікте төтенше өрт қаупі, оңтүстік-батыста жоғары өрт қаупі бар.
Алматы облысы:
Солтүстік және оңтүстік аудандарда түнде 1–6°С үсік күтіледі.
Алматы қаласында: 17 қазан түнінде топырақ бетінде 1–3°С үсік байқалады.
Батыс Қазақстан облысы:
Батыс, солтүстік және шығыс аймақтарда тұман күтіледі. Оңтүстікте төтенше өрт қаупі сақталады.
Солтүстік Қазақстан облысы:
Оңтүстік-шығыстан жел соғады. Түнде солтүстік, оңтүстік және шығыс бөліктерінде жел екпіні 15–20 м/с, ал күндіз солтүстік пен шығыста 23 м/с-қа дейін күшейеді.
Жетісу облысы:
Оңтүстік-шығыстан соғатын жел Алакөл көлдері маңында 15–20, кей кездері 23–28 м/с-қа дейін күшейеді. Түнде ауа температурасы 4–9°С-қа дейін төмендеп, үсік жүреді.
Түркістан облысы:
Солтүстік-батыстан соғатын жел күндіз тау асуларында 15–20 м/с-қа дейін күшейеді. Өңірде төтенше өрт қаупі сақталады.
Маңғыстау облысы:
Жоғары өрт қаупі сақталады.
Атырау облысы:
Солтүстік және шығыс бөліктерінде тұман күтіледі. Солтүстік, оңтүстік және шығыс аймақтарда төтенше өрт қаупі, ал солтүстік-шығыста жоғары өрт қаупі бар.
Ұлытау облысы:
Оңтүстік-шығыстан соққан жел оңтүстік-батысқа ауысып, түнде солтүстік және оңтүстік аудандарда 15–18 м/с-қа дейін күшейеді. Оңтүстікте төтенше, шығыс пен орталықта жоғары өрт қаупі сақталады.
Қарағанды облысы:
Оңтүстік-шығыстан жел соғады. Батыс және оңтүстік аудандарда жел екпіні 15–18 м/с-қа дейін жетеді.
Қызылорда облысы:
Солтүстік-батыстан жел соғады. Күндіз батыс өңірде желдің күші 15–20 м/с. Төтенше өрт қаупі, ал солтүстік пен орталықта жоғары өрт қаупі сақталады.
Ақтөбе облысы:
Солтүстік пен орталықта солтүстік-батыстан және батыстан соғатын желдің екпіні 15–18 м/с-қа дейін күшейеді. Оңтүстік және шығыста жоғары өрт қаупі, ал батыс, солтүстік-шығыс және орталық аймақтарда төтенше өрт қаупі сақталады.
