Өрт қаупі сақталады: Қазақстанның 12 өңірінде ауа райына байланысты ескерту жарияланды

Жетісу облысында оңтүстік-шығыстан соққан желдің екпіні Алакөл көлдері аймағында 15–20 м/с-қа дейін күшейеді.

Маңғыстау облысында оңтүстік-шығыс бағыттағы жел күндіз облыстың оңтүстігі мен орталығында 15–20 м/с жылдамдықпен соғады. Өңірде жоғары өрт қаупі сақталады.

Жамбыл облысында таулы аймақтарда тұман күтіледі. Солтүстік-шығыстан соққан желдің екпіні таулы өңірлерде 15–20 м/с-қа жетеді. Облыстың батысы мен солтүстігінде төтенше, орталық бөлігінде жоғары өрт қаупі сақталады.

Ұлытау облысының оңтүстігінде төтенше, ал шығысы мен орталығында жоғары өрт қаупі сақталады.

Атырау облысында оңтүстік-шығыстан соққан жел күндіз облыстың солтүстігі, оңтүстігі және шығысында 15–20 м/с жылдамдыққа жетеді. Солтүстік, оңтүстік және шығыс бөліктерінде төтенше, солтүстік-шығыс пен оңтүстік-шығысында жоғары өрт қаупі болжанады.

Ақмола облысының батысында, солтүстігінде және шығысында тұман күтіледі. Оңтүстік-батыс бөлігінде жоғары өрт қаупі сақталады.

Қызылорда облысының солтүстігінде 3 градусқа дейін үсік жүреді. Өңірде төтенше және жоғары өрт қаупі сақталады, әсіресе солтүстік пен орталықта.

Абай облысының оңтүстігінде жоғары өрт қаупі болжанады.

Түркістан облысының солтүстігі мен таулы аймақтарында 2 градусқа дейін үсік күтіледі. 20–22 қазан аралығында облыс аумағында төтенше өрт қаупі сақталады.

Батыс Қазақстан облысының солтүстігі мен шығысында тұман түседі. Шығыстан және оңтүстік-шығыстан соққан жел облыстың батысы, солтүстігі мен оңтүстігінде 15–20 м/с-қа дейін күшейеді. Оңтүстікте төтенше өрт қаупі сақталады.

Қостанай облысының батысы мен солтүстігінде тұман түседі. Оңтүстік-батыстан соққан жел күндіз шығыс бөлігінде 15–20 м/с жылдамдыққа жетеді. Оңтүстікте төтенше, ал оңтүстік-батыста жоғары өрт қаупі күтіледі.

Ақтөбе облысында оңтүстік-шығыстан соққан жел күндіз батысында 15 м/с-қа дейін күшейеді. Облыстың оңтүстігі мен шығысында жоғары, ал батысы, солтүстік-шығысы және орталығында төтенше өрт қаупі сақталады.