Неміс алпауыты "Байерде" жарқырап жүрген Флориан Вирцті өз қатарына қосуды көздейді.
Мюнхендік "Бавария" клубы трансферлік нарықта тарихи қадам жасауға бел буып отыр. Неміс алпауыты осы маусымда жарқырап жүрген Флориан Вирцтің трансферіне 130 миллион еуро төлеуге дайын. Бұл сома клуб тарихындағы ең қымбат келісім болмақ.
"Аспан түстілердің" (Манчестер Сити) футболшыға 120 млн еуро ұсынғаны белгілі. Алайда "Бавария" бәсекелестерін артта қалдыру үшін ұсынысын 10 миллион еуроға арттырды. Келісім жүзеге асқан жағдайда, Вирц "Бавария" тарихындағы ең қымбат ойыншы атанады.
21 жастағы шабуылшы осы маусымда 41 матчқа қатысып, 15 гол соғып, 12 нәтижелі пас берген. Ол "Байер" сапында жарқ етіп көрініп, Еуропаның жетекші клубтарының назарын өзіне аударды.
Егер трансфер сәтті жүзеге асса, "Бавария" өзінің жартылай қорғаныс шебін күшейтіп, жаңа шабуыл сызбасын құруға мүмкіндік алады. Вирцтің дриблинг пен пас беру шеберлігі, сондай-ақ шешуші сәттерде суырылып шығатын дарыны – мюнхендік клуб үшін үлкен артықшылық болмақ.
