"ПСЖ" -дан ауыр соққы алған миландық "Интердің" бас бапкері Симоне Индзагидің болашағы көпшілікті алаңдатқаны анық. Бірақ клуб президенті Джузеппе Маротта бұл жағдайға нақты жауап берді.
Sky Sport телеарнасына берген сұхбатында Джузеппе Маротта былай деді:
"Индзагидің болашағына бұл жеңіліс әсер ете ме? Жоқ. Келесі аптада онымен жоспарланған кездесуіміз бар. Оның клубпен келісімшарты әлі бір жылға созылады. Бүгінгі сәтсіздік бәрін жоққа шығармайды. Біз қандай жағдай болса да Симонемен кездесеміз".
Айта кетейік, Симоне Индзагидің болашағы соңғы күндері Сауд Арабиясының "Әл-Хиляль" клубымен байланыстырылып жатыр. БАҚ-тың мәліметінше, келіссөздер аяқталуға жақын.
