"Реал Мадридтің" масқарасы: "ПСЖ" алғашқы таймда-ақ финалға шығып қойды (ВИДЕО)

Алғашқы 23 минуттағы үш гол

Матчты танымал польшалық төреші Шимон Марциняк басқарды. Кездесу басталғаннан-ақ париждіктер шабуылға көшіп, небәрі 18 минуттың ішінде қарсыласын састырып үлгерді:

• 6-минутта — Фабиан Руис есеп ашты;
• 9-минутта — Усман Дембеле есепті еселей түсті;
• 24-минутта — тағы да Фабиан Руис дубль авторы атанды.

Бас-аяғы 23 минутта үш гол соғылған сәтте-ақ матчтың тағдыры шешілгендей болды.

Екінші тайм – формалдыққа айналды

Ойынның қалған бөлігінде қос тарап алма-кезек шабуылдап көрді. Алайда тек 88-минутта Гонсалу Рамуш соңғы нүктені қойып, матч есебін 4:0-ге жеткізді.

Финалда — "ПСЖ" мен "Челси" 

Жартылай финалда жарқыраған "ПСЖ" енді финалда "Челсимен" кездеседі. Шешуші матч 13-нен 14-шілдеге қараған түні, Астана уақытымен 00:00-де өтеді.