Қазақстанның жетекші футбол клубтары — "Астана", "Ақтөбе" және "Атырау" жақын арада жекешелендірілетін клубтар тізіміне енді.
Марат Омаров Qazsport телеарнасына берген сұхбатында елдегі көптеген футбол клубы мемлекеттік бюджет есебінен қаржыландырылады. Бірақ бұл тұрақты даму үшін жеткіліксіз әрі тиімсіз. Ол клубтардың инфрақұрылымының әлсіздігін атап өтті:
"Әр жыл сайын орта есеппен 3 миллиард теңге бөлінеді. Бірақ бұл қаржы көбіне шетелдік ойыншылар мен бапкерлерге жұмсалады. Ал көп клубтың өз академиясы да, базасы да, стадионы да жоқ. Бұл дұрыс емес", – деді федерация басшысы.
Омаров футболдың бүгінгі таңда тек спорт емес, үлкен индустрия мен бизнеске айналғанын алға тартты. Оның айтуынша, табысты клубтардың бәрі жеке меншік негізінде жұмыс істейді:
"Телевидение, жарнама, онлайн платформалар – барлығы футбол арқылы табыс тауып отыр. Жанкүйерлер саны да ауқымды. Сондықтан клубтарды жеке меншікке өткізу – уақыт талабы. Бұл – халықаралық тәжірибеде дәлелденген жол", – деді ол.
Федерация президентінің айтуынша, қазіргі таңда жекешелендіруге ұсынылған клубтардың тізімі дайын. Бұл қатарда:
Қазір бұл клубтарға қатысты инвесторлар тарапынан зерттеу жұмыстары жүргізілуде. Қай форматта және қандай көлемде инвестиция тартылатыны талқыланып жатыр. Қазақстан футбол федерациясы бұл процеске белсенді қатысып, инвестор тартуға қолдау көрсетіп келеді.
