Алматыға "Реал" келеді. "Қайраттың" Чемпиондар лигасындағы жұлдызды қарсыластары анықталды

"Қайраттың" қарсыластары

Алматылық клуб негізгі кезеңде сегіз ойын өткізеді: төртеуі – өз алаңында, төртеуі – сыртта.

Алматыдағы қарсыластар:

• Испанияның аты аңызға айналған "Реалы" 
• Бельгия чемпионы "Брюгге" 
• Грекиялық "Олимпиакос" 
• Кипрдің "Пафосы" 

Сырт алаңдағы бәсекелер:

• Италияның "Интері" 
• Англиялық "Арсеналы" 
• Португалияның "Спортингі" 
• Данияның "Копенгагені" 

Чемпиондар Лигасындағы жолы

"Қайрат" биылғы маусымды сәтті бастап, топтық кезеңге дейін жарқын жеңістермен жетті.

Алғашқы айналымда Словенияның "Олимпиясын" екі матчтың қорытындысы бойынша 3:1 есебімен ұтты.

Екінші раундта финляндиялық КуПС-пен тартысты ойында камбэк жасап, 3:2 есебімен келесі кезеңге өтті.

Үшінші кезеңде тәжірибелі "Слованмен" кездесіп, тең нәтижеден кейін (1:1) пенальти сериясында 4:3 есебімен басым түсті.

Плей-офф раундында шотландиялық алпауыт "Селтикті" сенсациялық түрде жарыстан шығарды (0:0, пенальти — 3:2).