"Қайрат" Ғалымжан Кенжебекті қайтарып алмақ

Белгілі дереккөздердің хабарлауынша, келіссөздер қысқы трансферлік терезе кезінде жандана түсуі ықтимал. Ғалымжан Кенжебек "Қайрат” академиясының тәрбиеленушісі. Клуб басшылығы соңғы айларда шабуыл шебін күшейту бағытында бірнеше нұсқаны қарастырып, ішінен өз түлегін қайтару идеясын ең басым бағыт ретінде белгілеген көрінеді. Команда қазіргі таңда жас әрі серпінді форвардқа зәру, ал Кенжебек бұл сипатқа толық сай келеді.

Бұған дейін Ғалымжан Кенжебекке елордалық "Астана" клубы да назар аударған болатын. Тіпті кей ақпарат көздері екі клуб арасындағы ықтимал алмасу келісімі туралы да айтқан, онда Бауыржан Исламханның есімі де аталған. Алайда соңғы деректерге сүйенсек, енді "Қайрат” ойыншыны қайтару ісін белсенді түрде қолға алмақ.

Дереккөздерге сүйенсек футболшы маусымның екінші жартысында негізгі құрамда жиі ойнай алатын командаға баруды қалайды.