Аргентиналық жұлдыз, «Интер Майами» шабуылшысы Лионель Месси қазан айының қорытындысы бойынша МЛС (АҚШ футбол лигасының) үздік ойыншысы атанды.
Клубтың Флоридадағы баспасөз қызметінің мәліметінше, 38 жастағы Месси биылғы маусымда үшінші рет қатарынан айдың үздігі деп танылды. Бұған дейін ол мамыр және шілде айларында дәл осындай марапат алған болатын.
Осылайша, екі жыл ішінде аргентиналық футболшы МЛС тарихындағы ең көп мәрте — бес рет айдың үздік ойыншысы атанған алғашқы футболшы ретінде тарихта қалды.
«Мұндай жетістік — командалық еңбектің нәтижесі. Біз бір мақсат жолында бірігіп жұмыс істейміз», — деп атап өтті Месси клубтың ресми сайтында.
Бірнеше күн бұрын «Интер Майами» капитаны хет-трик жасап, командасын МЛС плей-оффының алғашқы кезеңіне алып шықты. Алда оларды «Нэшвилл» клубымен маңызды кездесу күтіп тұр.
