Египеттік форвардтың мәлімдемесі клуб басшылығына ұнамаған сияқты.
«Ливерпуль» жұлдызы Мұхамед Салах клуб туралы ашық айтқан сөзі үшін Чемпиондар лигасы аясындағы келесі матчқа қатыспайды. Мерсисайдтық клуб 10 желтоқсанда «Интерге» қарсы матч өткізеді.
Мұндай жағдайға ойыншының клубтағы ахуал жөнінде көпшілік алдында айтқан сыны себеп болған. Мысырлық футболшы «Лидспен» (3:3) өткен кездесуден кейін берген сұхбатында команда жағдайын ашық сөз еткен еді. Бұл пікір басшылыққа ұнамаған сыңайлы.
7 желтоқсанда «Ливерпуль» ішінде жедел жиналыс өткен. Басшылық Салахтың әрекетін «тәртіпке қайшы» деп бағалап, оның ойынға қатысу мәселесін талқылаған.
Белгілі инсайдер Фабрицио Романо бүгін Юрген Клопп түсініктеме беретінін хабарлады.
