Ресми: "Ақтөбе" футбол клубы жекешелендірілді

«Ақтөбе» футбол клубы ресми түрде жекешелендірілді.

«Бүгіннен бастап „Ақтөбе“ футбол клубы Qazaq Stroy Properties компаниясының жеке меншігіне өтті. Компания „Ақтөбені“ ұзақ мерзімді даму стратегиясы бар жүйелі әрі тұрақты спорттық жоба ретінде қарастырады. Жаңа басшылық алдына бірқатар нақты міндет қойып отыр:

• — клубтың спорттық нәтижелерін тұрақты түрде жақсарту;
• — балалар мен жасөспірімдер футболын дамыту;
• — академия мен инфрақұрылымды жаңғырту;
• — басқару жүйесін халықаралық стандарттарға сай жетілдіру;
• — жанкүйерлермен ашық әрі сенімді қарым-қатынас орнату және басқа да бағыттар».

Былтырғы маусымдағы нәтиже

ҚПЛ-2025 маусымында "Ақтөбе" 43 ұпай жинап, қорытынды кестеде бесінші орын алған еді. Нәтижесінде "ақ-қызылдар" еурокубоктерге іріктеле алмады. Конференция лигасының соңғы жолдамасын 48 ұпай жинаған "Елімай" иеленген болатын.