УЕФА Семей мен Қызылордадағы стадиондарды тексере бастады
Еурокубок матчтарын өткізуге дайындық бағалануда.
УЕФА-ның стадиондар жөніндегі инспекторы Қазақстанға арнайы жұмыс сапарымен келіп, Семей мен Қызылорда қалаларындағы футбол ареналарын тексеруді бастады.
"Спартак" стадионы тексерістен өтті
19 сәуір күні УЕФА өкілі Семей қаласындағы "Спартак" стадионына барып, нысанның еурокубок ойындарын өткізуге дайындығын бағалады. Тексеру нәтижесінде стадион жалпы талаптарға сәйкес келетіні анықталды. Алайда халықаралық матчтарды қабылдау үшін бірқатар техникалық және ұйымдастырушылық ескертулер берілген.
Бұл кемшіліктерді жою мерзімі – 31 мамырға дейін.
Қызылордадағы арена кезекте
Жұмыс сапары аясында инспектор Қызылорда қаласындағы "Қайсар арена" стадионын да тексермек. Бұл нысан УЕФА стандарттарына сәйкестігі тұрғысынан жан-жақты бағаланады.
УЕФА талаптарына сәйкес келу – қазақстандық клубтардың халықаралық турнирлердегі үй матчтарын өз елінде өткізуіне мүмкіндік береді. Сондықтан мұндай тексерістер отандық футбол инфрақұрылымы үшін аса маңызды.