«Барселона», «Реал» және «Манчестер Юнайтед» «Бенфика» клубының 21 жастағы сол қаптал қорғаушысы Альваро Каррерасқа қызығушылық танытып отыр. Бұл туралы O Jogo хабарлайды.
Дереккөз мәліметінше, испандық қорғаушыны сатып алуға ең үлкен мүмкіндік «қызыл сойқандар» командасында бар, өйткені өткен жазда Каррерас «Манчестер Юнайтедтен» «Бенфикаға» ауысқан болатын. Ағылшын клубы жас қорғаушының келісімшартында жазылған кері сатып алу құқығын іске асыруды қарастырып жатыр.
Ағымдағы маусымда Каррерас барлық турнирлерде тоғыз матчқа қатысып, нәтижелі әрекеттерімен көзге түсе алмады. Футболшының «Бенфикамен» еңбек келісімшарты 2029 жылдың жазының соңына дейін жарамды. Transfermarkt порталының мәліметінше, ойыншының нарықтық құны €8 миллионды құрайды.
