Футболдан Қазақстан құрамасының ойыншылары Түркиядағы оқу-жаттығу жиынын бастады.
Қазақстан құрамасы Түркияның Белек қаласында алғашқы оқу-жаттығу жиынын бастады. Жиын 18 ақпанға дейін жалғасады. Басты мақсат – ұлттық құрамаға үміткерлерді іріктеу. Сондықтан бапкерлер штабы ұлттық құрамаға үміткерлер мен жас ойыншыларды шақырып отыр. Бұл туралы ҚФФ баспасөз қызметі хабарлады.
Әли Әлиевтің шәкірттері 2026 жылғы әлем чемпионатына іріктеуді наурыз айында бастайды. Өз тобында Бельгия, Уэльс, Солтүстік Македония және Лихтенштейнмен кездеседі.
