Қазақстан Премьер-Лигасының екі дүркін чемпионы, сербиялық шабуылшы Джордже Деспотович қазіргі футболшылар арасында кең таралған "айына 300 еуромен өмір сүруге болады" деген пікірге күмәнмен қарайтынын жеткізді.
Бұл туралы ол Sport24.ru басылымына берген сұхбатында айтты.
"Ресейлік футболшылар арасында жаңа тренд пайда болды: олар 300 еуромен өмір сүре аламыз деп айтып жүр. Бұл – үлкен өтірік. Мұндайды тек өмірінде бар ақшасын тауысып қойғандар ғана айтады. Иә, 100 еуромен де күн көруге болады. Бірақ бір деңгейге жеткеннен кейін 300 еуро маған жетеді деу – шындыққа жанаспайды", – деді Деспотович.
Футболшының айтуынша, қазір оның ай сайынғы шығыны 10 мың еуродан кем емес.
"Қазір рубльмен есептесек, ай сайын 1,5-2 миллион жұмсаймын. Бұл еуромен алғанда – 10 мыңнан кем емес, кейде одан да көп", – деді шабуылшы.
33 жастағы сербиялық футболшы Қазақстанда бірнеше танымал клубта өнер көрсетті. Ол "Жетісу", "Қайрат", "Астана" және "Тобыл" командаларында ойнады. Деспотович елімізде:
Ол Премьер-Лигада гол соғу шеберлігімен көзге түсіп, жанкүйерлердің жүрегінен ерекше орын алған легионерлердің бірі саналады.
