U-19 жасындағы қыздар арасындағы Қазақстан құрамасы Еуропа чемпионатының іріктеу кезеңіндегі екінші матчында Косоводан жеңіліс тапты.
Үшінші топтағы іріктеу ойындары Мальтада өтіп жатыр. Бұған дейін латвиялықтардан 1:2 есебімен жеңілген біздің қыздар бұл жолы Косово құрамасына қарсылас атанды.
32-минутта Жансезім Айсапар есеп ашты — бұл Қазақстан құрамасының жалғыз голы болды. 54-минутта Сахара Бериша пенальтиден таразы басын теңестірді. Ал қосымша уақыттың 8-минутында косоволық Олса Макастена жеңіс добын соқты.
89-минутта Қазақстан сапында Карина Ботабек екінші сары қағазын алып, алаңнан қуылды. Бұл сәт ойын тағдырына тікелей әсер етті.
Қыздарымыз іріктеу кезеңіндегі соңғы ойынын 7 сәуір күні алаң иелері — Мальта құрамасына қарсы өткізеді.
