Астананың «Барыс» ХК өз айдынында Уфаның «Салават Юлаев» командасымен кездесіп, кезекті рет жеңіліске ұшырады.
Матч Құрлықтық хоккей лигасының (КХЛ) 2025/2026 маусымы аясында өтті. Қорытынды есеп — 1:2. Осылайша қазақстандық клуб бесінші рет қатарынан ұтылды.
Қонақтар алғашқы екі кезеңде бір-бір шайбадан соғып, басымдығын соңына дейін сақтап қалды. Соңғы кезеңде Дінмұхамед Қайыржан бір гол соққанымен нәтиже өзгермеді.
Астаналық команда 7 қараша күні өз мұз айдынында Екатеринбургтің «Автомобилистін» қабылдайды.
