«Қайрат» ФК қақпашысы Темірлан Анарбеков танымал блогер Нұрсұлтан Жақсыгенге қатысты өз ойын ашық айтты.
Соңғы күндері әлеуметтік желілерде Нұрсұлтан Жақсыген төңірегінде үлкен отбасылық жанжал өрбіді. Көптеген отандық инфлюенсерлер блогердің бұрынғы жұбайы мен балаларына бағытталған дөрекі, әдепсіз жазбаларына наразылық білдіріп, оны бойкотқа шақырды.
Желідегі дау Жақсыгеннің арандатушылық сипаттағы жазбасынан кейін туындаған. Ол өз парақшасында:
«Ең бастысы — мен сенің пәктігіңді алған алғашқы адаммын», — деп жазған.
Бұл сөз қоғамда үлкен резонанс туғызды.
Қақпашы Темірлан Анарбеков бұл жағдайға бейжай қарамай, әлеуметтік желіде пікір қалдырды:
«Мұндай тақырыпқа үндемей қалу мүмкін емес. Бұл — нағыз надандықтың көрінісі. Осындай әрекеттен кейін адам өзін қалай жер басып жүреді?», — деп жазды спортшы.
Бұған дейін интернетте Нұрсұлтан Жақсыгеннің бұрынғы әйелі мен отбасына бағытталған жеке хаттарының скриншоттары тарап кеткен болатын. Бұл хабарламаларда блогер әйелін қорлап, балағат сөздер айтқан деп айыпталды.
