Белгілі әзілкеш Тұрсынбек Қабатовтың бұрынғы жұбайы — Мөлдір Мұқанова 600 мың теңгеге жуық айыппұл төлеуге міндеттелді.
Ойын бизнесі мен лотерея қызметін реттеу комитеті лотерея және лотерея қызметі туралы заңнаманы бұзған тұлғалардың тізімін жариялаған. Сол тізімге Instagram-аккаунты “moldir.mt” иесі Мөлдір Мұқанова да енген.
Ресми ақпаратқа сәйкес, блогер 2025 жылғы 17 қазанда Қазақстан Республикасының Әкімшілік құқық бұзушылық туралы кодексінің 445-1-бабының 6-бөлігі бойынша жауапкершілікке тартылған.
Айыппұл мөлшері — шамамен 600 мың теңге (150 АЕК).
Комитеттің мәліметінше, Мұқанова әлеуметтік желіде лотерея ережелерін бұзатын жарнамалық контент жариялаған.
Мөлдір Мұқановадан бөлек, тағы бірнеше танымал қазақстандық блогерлердің аккаунттары да әкімшілік айыппұл салынғандар тізіміне енді. Комитет өкілдері интернеттегі лотерея мен ойын бизнесін бақылау қатаңдатылатынын мәлімдеді.
Бұған дейін Мөлдір Мұқанованың Тұрсынбек Қабатовпен некесі мен жеке өмірі туралы ашық сұхбаты әлеуметтік желілерде қызу талқыланған еді. Оған кейін Қабатовтың өзі де жауап беріп, “балаларым – өмірімнің мәні” деп мәлімдеген болатын.
