«Барыс» екі рет алға шыққанымен Уфада ірі есеппен ұтылды

Сұлтан Данияр

Сарапшы, спорт журналисі

27.11.2025, 22:05

Астаналық «Барыс» Құрлықтық хоккей лигасының (ҚХЛ) тұрақты чемпионаты аясында «Салават Юлаевқа» ірі есеппен есе жіберді.

Бірінші кезең: «Барыс» тамаша бастады

Кездесу астаналық клуб үшін өте сәтті басталды. Елордалықтар екі рет дәл соққы жасады.

Макс Уиллман Томпсон мен Логвиннің пасынан кейін есеп ашса, Майкл Веккьоне Бреус пен Королёвтің тамаша комбинациясын голға айналдырды.

Кезең соңына таман уфалықтар қысымды күшейтіп, бір шайбамен жауап қайтарды:

Екінші период: басымдық – артық құрамдағы шайбаларда

Екінші кезеңде ойын тіпті шиеленісті өтті. «Барыс» Райли Уолштың көмегімен есеп айырмасын тағы өсіргенімен, артынша көпшілікте екі шайба жіберіп алды.

Осылайша, екі период қорытындысы бойынша командалар тең тарқасты – 3:3.

Уфалықтардың камбэгі және шешуші минуттар

Үшінші жиырма минуттықта ойын толық «Салават Юлаевтың» пайдасына қарай бұрылды. Қожайындар төрт шайба соғып, тек бір рет жіберіп алды.

Қорытындысында «Барыс» екі рет есепте алда тұрса да, матч соңына дейін шабуылды тежеуге және қорғаныста сенімді ойнауға шамасы жетпеді.

«Салават Юлаев» (Уфа) — «Барыс» (Астана) — 7:4

(1:2, 2:1, 4:1)

Голдар:

0:1 — 11:22 Уиллман (Томпсон, Логвин), тең құрам

0:2 — 13:02 Веккьоне (Бреус, Королёв), тең құрам

1:2 — 17:02 Броссо (Ремпал, Жаровский), көпшілік

1:3 — 27:04 Уолш (Веккьоне, Симонов), көпшілік

2:3 — 29:00 Ремпал (Стюарт, Родуолд), көпшілік

3:3 — 33:18 Родуолд (Ремпал, Стюарт), көпшілік

4:3 — 40:33 Стюарт (Хохлачёв, Броссо), тең құрам

4:4 — 43:40 Уиллман (Логвин), тең құрам

5:4 — 44:56 Ремпал (Пименов), тең құрам

6:4 — 57:19 Пименов (Сучков), тең құрам

7:4 — 58:11 Броссо, тең құрам, бос қақпа

Астаналық клуб ұзақ сапарын жалғастырады. 29 қараша күні «Барыс» тағы да сырт алаңда мұзға шығып, бұл жолы магнитогорскінің «Металлургіне» қарсы ойнайды.