Қызылордада УЕФА талаптарына сай салынып жатқан жаңа футбол стадионының құрылысы қызу жүріп жатыр.
Дронмен түсірілген бейнежазбадан болашақ аренаның негізгі конструкцияларының нобайы айқын көрінеді. Кадрларда трибуналардың қаңқасы ерекше назарға ілінеді. Бұл элементтер болашақ стадион “қабығының” нақты пішінін қалыптастырып жатыр.
Металл конструкциялар стадионның барлық периметрі бойынша орнатылып, көрермен отыратын орындарды қоршайтын тұйық контурды құраған. Жұмысшылар мен арнайы техника бірнеше аймақта бір мезгілде монтаж жасап жатыр. Бұл өз кезегінде жобаның мерзімінде аяқталуына сенім береді.
Кейбір құрылымдық бөліктердің жұмысы аяқталу сатысында болса, кейбір бөліктерде қарқынды монтаж жалғасып жатыр. Бұл — құрылыс процесінің жоғары ұйымдастырылғанын және жұмыс кестесінің нақты сақталып отырғанын білдіреді.
