Үстел теннисінен Қазақстан әйелдер құрамасының мүшесі Гүзәл Торшаева 2025/2026 маусымын Еуропада өткізеді. Ол Австрияның Бундеслига клубымен келісімшартқа отырды.
Қазақстан Ұлттық Олимпиада комитеті таратқан ресми ақпаратқа сәйкес, Гүзәл Торшаева 2025-2026 жылғы маусымды ТТС Wiener Neudorf (Нойдорф) командасында өткізеді. Бұл клуб Австрияның әйелдер Бундеслигасында өнер көрсетеді.
“Еуропада ойнау — әр спортшы үшін үлкен тәжірибе. Бұл маған жаңа деңгейге шығуға мүмкіндік береді”, — деп пікір білдірді Торшаева.
Торшаева — Қазақстан үстел теннисіндегі ең үмітті жас спортшылардың бірі. Оның шапшаңдығы, реакциясы мен тактикалық ойыны бірнеше халықаралық турнирлерде көзге түсті.
