Қазақстанда спорт саласын қаржыландыру жүйесі жаңартылып, шетелдік спортшыларды мемлекеттік қаражатпен қамтамасыз ету тәжірибесі тоқтатылды. Бұл туралы Туризм және спорт министрінің орынбасары Серік Жарасбаев мәлімдеді.
2025 жылдың маусым айынан бастап “Дене шынықтыру және спорт туралы” заңына бірқатар өзгеріс енгізіліп, олар күшіне енді. Енді кәсіби спорт клубтарын қаржыландыруға бюджеттен шектеу қойылады, әсіресе ойын спорт түрлері бойынша.
Министрлік өкілінің айтуынша, бұл өзгерістер клубтарды демеушілер тартуға, сонымен қатар бюджеттен тыс қаржыландыру көздерін іздеуге ынталандыруы тиіс.
Аймақтық спорт басқармалары мен ұлттық федерацияларға “бір өңір – бір клуб – бір спорт түрі” қағидаты ұсынылды. Бұл тәсіл:
Жаңашылдықтардың бірі — шетелден келген спортшылардың еңбекақысы мен шығындарын өтеуге мемлекеттік немесе квазимемлекеттік қаржы бөлуге тыйым салынуы.
Министрлік бұл шешім легионерлерге қарсы емес екенін атап өтті. Алайда, енді олардың келісімшарттары мемлекет тарапынан қаржыландырылмайды.
“Егер клуб шетелдік ойыншыны шақыруды қаласа, оның барлық шығынын өз қаражаты есебінен өтеуі керек”, – деп түсіндірді ведомство.
Министрлік халықаралық ареналарда жоғары нәтиже көрсеткен спорт түрлерін анықтап, басым бағыттар тізімін бекітті. Ең алғаш рет 11 ұлттық спорт түрі ресми түрде осы тізімге енгізіліп отыр. Енді олар:
Заңға алғаш рет I топтағы мүгедектігі бар спортшылармен бірге жүретін адамдардың ресми түрде жаттығулар мен жарыстарға қатысуына рұқсат беретін норма енгізілді. Бұл – ерекше қажеттілігі бар спортшылар үшін үлкен мүмкіндік.
Спорт мекемелерінің жетекшілері бес жылдан артық бір орында қызмет ете алмайды. Егер белгілі бір өңірде кадр тапшылығы туындаса, ротация сол облыс шеңберінде жүргізіледі.
