Линарес қаласында өтіп жатқан Әйелдер арасындағы командалық әлем чемпионатының жартылай финалдық кезеңі аяқталды. Қазақстан құрамасы аса тартысты матчта Әзербайжан командасына жол беріп, енді үшінші орын үшін бақ сынайды.
Қазақстан – Әзербайжан жартылай финалы өте шиеленісті өтті. Классикалық екі кездесу де 2:2 есебімен аяқталып, жеңімпазды анықтау мүмкін болмады.
Бәрін шешкен блиц-тай-брейкте әзербайжандық шахматшылар сәл мықтырақ болып, матчтың тағдырын өз пайдасына бұрды. Осылайша Қазақстан құрамасы финал жолдамасынан айырылды.
Үшінші орын үшін Қазақстан құрамасы әлем шахматындағы ең қуатты құрамалардың бірі — Қытаймен кездеседі. Оның сапында әлемдік деңгейдегі жұлдыздар ойнайды:
Бұл матч Қазақстан үшін үлкен сынақ әрі мүмкіндік болмақ.
15:30 — алғашқы кездесу
19:30 — қарымта матч
Егер есеп тағы да 2:2 болып тең түссе, бәрін блиц-тай-брейк, қажет болған жағдайда «армагеддон» шешетін болады.
