Бибісара Асаубаева ФИДЕ әйелдер Гран-приінде көшбасшылықтан айырылды

Блиц шахматтан екі дүркін әлем чемпионы болып табылатын Асаубаева бұл турнирде өзіне тән ойынды көрсете алмады. Оның Монакодағы нәтижесі алдыңғы жарыстардағы көрсеткіштерінен әлдеқайда төмен болды.

Үшінші кезең қорытындысы бойынша Бибісара Асаубаева 10 қатысушының ішінде соңғы орынға (10-орын) тұрақтады.

Көрсеткіші:

• Жеңіс – 0
• Тең ойын – 6
• Жеңіліс – 3

Гран-при кестесінде кім көш бастап тұр?

Ресейлік Александра Горячкина бұл жағдайды сәтті пайдаланып, үшінші кезеңнің жеңімпазы атанып қана қоймай, ФИДЕ Гран-приінің жалпы есепінде бірінші орынға көтерілді.

Үздік үштік:

1. Александра Горячкина (Ресей) – 236.67 ұпай
2. Бибісара Асаубаева (Қазақстан) – 197.5 ұпай
3. Тань Чжунъи (Қытай) – 170 ұпай

Келесі кезең қашан өтеді?

ФИДЕ әйелдер Гран-приінің төртінші кезеңі 14-25 наурыз аралығында Кипрде өтеді