Әлеуметтік желілерде ерлер-карликтер мен әйел-бодибилдерлер қатысқан ерекше спорттық жарыс көпшіліктің назарын аударып, гендерлік теңдік тақырыбында дау туғызды.
Желіде қызу пікірталасқа түрткі болған бейнероликті 18 қаңтарда YouTube-блогер Джесси Джеймс Уэст жариялаған. Видеода екі тарап бірнеше күш және төзімділік сынағында бақ сынасты.
Қатысушылар мына дисциплиналар бойынша жарысқан:
Көрсетілген сайыстар қорытындысы бойынша жеңіс ерлер-карликтердің еншісінде болған. Осыдан кейін әлеуметтік желі қолданушылары жарысты гендерлік теңдік тұрғысынан талқылап, екіге жарылды.
Пікір білдірушілердің бір бөлігі физикалық мүмкіндіктердегі айырмашылық айқын екенін айтып, «теңдік» ұғымын спорттағы нақты жағдаймен шатастыруға болмайды деген ойға келді. Кейбір қолданушылар тіпті қоғамдағы гендерлік теңдік туралы талқылаулардың шектен шығып, бірқатар әйел өзін ерлермен физикалық тұрғыдан толық тең санауға дейін барғанын атап өткен.
Ал басқа тарап бұл тақырыпты мазақ ету немесе кемсітуге айналдырмау керегін, кез келген салыстыру контекстке тәуелді екенін алға тартқан.
Блогер Джесси Джеймс Уэст өз кезегінде роликтің оқыту және құжаттық мақсатта түсірілгенін, сондай-ақ түсірілім барысында қауіпсіздік мамандары бақылау жасағанын ескерткен.
